नेपालले भुटानविरुद्ध बलिङ गर्ने

७ मंसिर, काठमाडौं । आईसीसी महिला टी–२० विश्वकप एसिया छनोट अन्तर्गत आफ्नो खेलमा नेपालले भुटानविरुद्ध पहिले बलिङ गर्ने भएको छ ।

दुबईको आईसीसी क्रिकेट एकेडेमीमा हुने खेलमा भुटानले टस जितेर ब्याटिङ रोजेपछि नेपालले बलिङ गर्ने भएको हो । नेपाल पहिलो खेलमा हङकङसंग ६ विकेटले पराजित भएको थियो ।

६ टोली सहभागी छनोटमा विजेता बन्दै ग्लोबल क्वालिफायर पुग्न नेपालले बाँकी चार वटै खेल जित्नुपर्नेछ ।

भुटानले भने पहिलो खेलमा कुवेतलाई ४० रनले पराजित गरेको थियो । आजै भएको खेलमा  हङकङ युएईसंग पराजित भएपछि नेपाललाई फाइदा पुगेको छ ।