शेयर बजारबारे प्रचण्डको अभिव्यक्तिप्रति विवेकशील साझाको आपत्ति

२७ मंसिर, काठमाडौं । पुँजी बजारबारे नेकपा माओवादी केन्द्रका अध्यक्ष पुष्पकमल दाहाल प्रचण्डले दिएको अभिव्यक्तिप्रति विवेशील साझा पार्टीले आपत्ति जनाएको छ ।

शुक्रबार माओवादी केन्द्रको प्रदेश सम्मेलन उद्घाटन गर्दै प्रचण्डले धितोपत्र साम्राज्यवादको विकसित रुप भएको भन्दै पुँजीको लगानी पुँजीमै हुनु दुःखद् भएको बताएका थिए ।

यो अभिव्यक्ति पछि सोमबार विवेकशील साझा पार्टीका प्रवक्ता शरदराज पाठकले प्रेस विज्ञप्ति जारी गर्दै पूर्वप्रधानमन्त्री जस्तो व्यक्तिबाट यस्तो अभिव्यक्ति आउनु गैह्र जिम्मेवारीपूर्ण भएको टिप्पणी गरेका छन् ।

अर्थतन्त्रको अत्यन्तै संवेदनशील क्षेत्र मानिने पुँजी बजारलाई उत्तेजित गराउने तथा बजारमा गलत सन्देश जाने गरी उच्च राजनीतिक नेतृत्वबाट आएको अभिव्यक्ति आपत्तिजनक भएको भन्दै पार्टीको गम्भीर ध्यानाकर्षण भएको विज्ञप्तिमा उल्लेख गरिएको छ ।

हेर्नुहोस् विज्ञप्तिको पूर्णपाठः