भारतका रक्षा मन्त्रीलाई कोरोना संक्रमण

२६ पुस, काठमाडौं । भारतका रक्षामन्त्री राजनाथ सिंहलाई कोरोना भाइरस संक्रमण पुष्टि भएको छ । सिंहले सोमबार आफूलाई कोरोना पोजिटिभ भएको सामाजिक सञ्जालमार्पत जानकारी दिएका छन् ।

सिंहले ट्विटरमार्फत् आफूलाई कोभिड-१९ को संक्रमण भएको र हल्का लक्षण देखिएको भन्‍दै लेखेका छन्, मलाई आज हल्का लक्षणसहित कोरोना पोजिटिभ देखिएको छ।म घरमै क्वारेन्टाइनमा छु ।’

I have tested positive for Corona today with mild symptoms. I am under home quarantine. I request everyone who have recently come in my contact to isolate themselves and get tested.

— Rajnath Singh (@rajnathsingh) January 10, 2022

सिंहले पछिल्लो समय आफ्नो सम्पर्कमा आएका सबैलाई आइसोलेशनमा बस्न र परीक्षण गर्न भनेका छन् । उनले ट्विटरमा थप लेखेका छन्, ‘हालै मेरो सम्पर्कमा आउनु भएका सबै जनालाई आइसोलेशन बसी परीक्षण गराउन अनुरोध गर्छु ।’