नेपाल रेडक्रस सोसाइटी इलाम शाखालाई सनराइज बैंकको आर्थिक सहयोग

काठमाडौं । सनराइज बैंकले नेपाल रेडक्रस सोसाइटी इलाम शाखाको भवन निर्माणका लागि दुई लाख रुपैयाँ आर्थिक सहयोग गरेको छ ।

सनराइज बैंकका नायब महाप्रबन्धक रविनकुमार नेपालले नेपाल रेडक्रस सोसाइटी इलाम शाखाका सभापति शिवप्रसाद गौतमलाई दुई लाख रुपैयाँको चेक हस्तान्तरण गरेका हुन् ।

चेक रकम हस्तारण कार्यक्रममा सनराइज बैंकका प्रदेश १ का प्रमुख विवेक निरौला, इलाम शाखाका प्रमुख ज्ञानश्याम गुरुङ र बैंकका अन्य कर्मचारीहरुको उपस्थिति रहेको थियो ।

रेडक्रसको इलाम शाखाले रक्त सञ्चार, एम्बुलेन्स सेवा, प्राथमिक उपचार सेवा, विपतमा राहत सेवा जस्ता विभिन्न सेवाहरु दिंदै आएको छ ।

निर्माण गर्न लागेको भवन तालिमहलसहितको हुने र त्यसले समुदायमा थप सेवा दिन मद्धत पुग्ने विश्वास रेडक्रसले लिएको छ ।

बैंकले स्वास्थ्य, शिक्षा, पूर्वधार निर्माण, वातावरण संरक्षण आदि क्षेत्रमा सातै प्रदेशमा विभिन्न सामाजिक उत्तरदायित्वका कामहरु गर्दै आएको छ ।