३० चैत, काठमाडौं । नेपाली राष्ट्रिय क्रिकेट टिमका अलराउण्ड दीपेन्द्र सिंह ऐरीले आईसीसी विश्व वरियतामा ऐतिहासिक उपलब्धी हासिल गरेका छन् ।
दीपेन्द्र आईसीसी टी-२० अन्तर्राष्ट्रियको अलराउण्डरतर्फ विश्वकै शीर्ष १० मा पर्न सफल भएका छन् । अन्तर्राष्ट्रिय क्रिकेट परिषद (आईसीसी) बुधबार अपडेट गरेरको नयाँ वरीयतामा दीपेन्द्र अलराउण्डरतर्फ दशौं स्थानमा अटाएका हुन् ।
नेपाली क्रिकेटमा हाल स्टारको रुपमा रहेका दीपेन्द्रले नेपालमै भएको त्रिकोणात्मक टी-२० श्रृंखलामा अलराउण्ड प्रदर्शन गर्दै म्यान अफ दि सिरिज घोषित भएका थिए ।
चैत १४ देखि २१ गतेसम्म काठमाडौंमा भएको नेपाल, पपुवा न्युगिनी र मलेसिया सम्मिलित श्रृंखलामा उनले अलराउण्ड प्रदर्शन गर्दै एक शतक र दु अर्धशतक मद्दतमा सर्वाधिक २५५ रन बनाएका थिए ।
यस्तै बलिङमा ७ विकेट लिएका थिए । फाइनलमा उनले पपुवा न्युगिनी विरुद्ध ब्याटिङमा अर्धशतक बनाएका थिए भने बलिङमा ४ विकेट लिएका थिए ।
सोही श्रृंखलाबाटै दीपेन्द्र नेपालका लागि टी-२० अन्तर्राष्ट्रियमा एक हजार रन पूरा गर्ने समेत दीपेन्द्र पहिलो खेलाडी बनेका छन् ।
दीपेन्द्र टी-२० को ब्याटिङतर्फ पनि सुधार गर्दै ३८औं स्थानमा उक्लेका रछन् । कुशल भुर्तेल ३६औं स्थानमा छन् । कुशलको ओपनिङ जोडी आसिफ शेखले पनि शीर्ष सयमा इन्ट्री मारेका छन् । आसिफ शेख ९९ औं स्थानमा छन् ।
यस्तै टी-२० को बलरतर्फ नेपालका कप्तान सन्दीप लामिछाने ३८औं स्थानमा छन् भने तिव्र गतिका बलर अविनाश बोहरा ८६ औं स्थानमा छन् ।
प्रतिक्रिया 4