काठमाडौं । नयाँ वर्षको अवसर पारेर फिल्म ‘गणपति’को फस्टलुक पोस्टर सार्वजनिक गरिएको छ । पोस्टरमा गणेश देवता र मानिसलाई सांकेतिक रुपमा आधा–आधा राखिएको छ ।
सविन अधिकारीले लेखन तथा निर्देशन गरेको ‘गणपति’मा मुकुन भुसाल र मेनुका प्रधानको मुख्य भूमिका रहेको छ । फिल्मको सम्पूर्ण छायांकन तनहुँको बन्दिपुरस्थित थारुवासमा गरिएको हो ।
‘गणपति’ नाम धार्मिक सुनिएपनि फिल्ममा कुनै पनि धर्मको विरोध वा प्रचार नगरिएको निर्देशक अधिकारीले बताए । लक्ष्मण थापा, विज्ञान केसी र अरविन्द्र गिरी निर्माता रहेको फिल्मलाई हरिबहादुर घलेको छायांकन छ । यो फिल्म नेपालभन्दा पहिले बेलायत र अस्ट्रेलियामा रिलिज हुने जनाइएको छ ।
फिल्मा सूर्यमाला खनाल, जयनन्द लामा, प्रकाश घिमिरे, राजाराम पौडेल, पुष्कर गुरुङ, अंशु मानन्धर, कालु राना, टीकाभक्त जिरेल, देवेन्द्र बब्लु, सुशील पोखरेल लगायतको अभिनय रहेको छ ।
प्रतिक्रिया 4