+
+

छाङरुमा ७ महिनापछि पुन: सञ्चालनमा आयो स्काइ फोन

रासस रासस
२०७९ वैशाख २३ गते १८:३२

२३ वैशाख, दार्चुला । सात महिनापछि व्यास गाउँपालिका–१ छाङ्गरुमा रहेको नेपाल टेलिकमको स्काई फोन सेवा पुनः सञ्चालन भएको छ ।

नेपाल टेलिकमका प्रमुख कृष्णबहादुर गुरुङ आफैँ छाङ्गरु पुगेर टेलिफोन सेवा पुनः सञ्चालनमा आएको हो ।

मङ्गलबार कार्यालय प्रमुख गुरुङसहितको टोली भारतको बाटो भएर छाङगरु गएको थियो । व्यासमा स्काई टेलिफोन टावर सञ्चालन भएको सशस्त्र प्रहरी बल नेपाल नम्बर ५० गुल्मका गुल्मपति धीरेन्द्र शाहले जानकारी दिए ।

‘स्काई फोन सञ्चालन गरिएको छ, अझै पूर्ण रुपमा सुचारु गर्ने प्रयास भइरहेको छ, स्थानीय तह निर्वाचनका लागि भए पनि प्रभावकारी टावर सञ्चालनमा ल्याउनुपर्ने बाध्यता छ, यसअघि सशस्त्र प्रहरीको भिस्याटमार्फत दुई वटा ल्याण्डलाइन प्रयोगमा आएका थिए’, उनले भने ।

सो स्थामा टावर सञ्चालनमा ल्याउनका लागि व्यास-४ कैचुलामा रहेको टावरलाई ब्रह्मलेकमा सारिएको थियो । ब्रह्मलेकबाट छाङरु देखिने भएकाले डिभाइस जडानका लागि ब्रह्मलेकमा रिपिटर स्टेसन राखिएको गुरुङले बताए ।

छाङरुको ज्याक्ति डाँडामा टेलिकमको नयाँ रिपिटर स्टेशन राखेर सेवा सञ्चालन गरिएको छ । छाङ्गरुमा रहेको नमस्ते टावर अझै सञ्चालनमा आउन समय लाग्नेछ । उपकरण नपुगेको कारण फोरजी सेवासहितको नमस्ते टावर सञ्चालनमा आउन नसकेको गुरुङले बताए ।

लेखकको बारेमा
रासस

रासस (राष्ट्रिय समाचार समिति) नेपालको समाचार संस्था हो ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?