सोताङ गाउँपालिकामा कांग्रेसको जीत

२ जेठ, सालखुम्बु । प्रमुख तीन दलको चर्को प्रतिस्पर्धा रहेको सोलुखुम्बुको सोताङ गाउँपालिकामा नेपाली कांग्रेसले बाजी मारेको छ ।

आइतबार मध्यरातमा सकिएको मतगणनामा कांग्रेसले पालिका  अध्यक्ष र उपाध्यक्ष दुबै पदमा जीत हात पारेको छ । गाउँपालिका प्रमुखमा खिलराज बस्नेत १६४८ मतका साथ निर्वाचित भए । एमालेका प्रकाश कार्कीले १५२० मत ल्याउँदा माओवादी केन्द्रका दीपक खड्काले १३५३ मत पाएका छन् ।

गाउँपालिका अध्यक्षमा निर्वाचित राई २०७४ मा एमालेका वीरबहादुर राईसँग पराजित भएका थिए ।

उपाध्यक्षमा पनि कांग्रेसकी अञ्जु नाछिरिङ राई चुनिएकी छन् । उनले १६६९ मत पाइन् । निकटतम प्रतिद्वन्द्वी एमालेकी मनसरि राईले १६३४ मत ल्याउँदा माओवादी केन्द्रकी सरस्वती राईले ११८५ मत पाएकी छन् ।