बालाजुमा स्कुटर दुर्घटना हुँदा दुई जना घाइते

२० जेठ, काठमाडौं । काठमाडौंको बालाजुमा स्कुटर दुर्घटना हुँदा २ जना घाइते भएका छन् । बागमती प्रदेश ०२–१९ प २३६४ नम्बरको स्कुटर गएराति पौने १२ बजे दुर्घटना हुँदा दुई जना घाइते भएका हुन् ।

घाइते हुनेमा स्कुटर चालक तारकेश्वर नगरपालिका ४ शेषमति बस्ने २९ वर्षीय मान बहादुर गुरुङ र पछाडि सवार नुवाकोट घर भई हाल तारकेश्वर नगरपालिका १ बस्ने ३० वर्षीय राजु तामाङ रहेका प्रहरीले जनाएको छ ।

घाइतेमध्ये तामाङको अवस्था गम्भीर छ । उनको माइतीघरस्थित अन्नपूर्ण न्युरो अस्पतालमा उपचार भइरहेको छ ।

गुरुङको भने बालाजुस्थित जनमैत्री अस्पतालमा उपचार भइरहेको छ ।