२० जेठ, काठमाडौं । नेपाल खेलकुद पत्रकार मन्त्रको एनएसजेएफ एकेडेमी र नेपाल फेन्सिङ संघको संयुक्त आयोजनामा खेल पत्रकारका लागि एकदिने खेलको फेन्सिङको नियमबारे एकदिने अभिमूखीकरण तालिम सम्पन्न भएको छ ।
एनएसजेएफ एकेडेमीले गत वर्षदेखि सन्चाल गरेको ‘नो योर गेम’ कार्यक्रमअन्तर्गत शुक्रबार फेन्सिङ खेलबारे पत्रकारहरुले जानकारी पाएका हुन् । सातदोवाटोस्थित नेपाल ओलम्पिक कमिटीको हलमाआयोजित तालिममा संंघका महासचिव सुजनलाल श्रेष्ठ, फेन्सिङका प्रमुख प्रशिक्षक अभिषेक कार्की र कोषाध्यक्ष अनुप कपालीले खेल पत्रकारहरुलाई प्रशिक्षण दिए ।
श्रेष्ठले विश्व फेन्सिङ र नेपालको इतिहास, कार्कीले खेलको तीन विधा फोइल, इपी र साबरको प्राविधिक पक्ष र कपालीले स्कोरिङ सिस्टमबारे प्रशिक्षित गराए । कार्यक्रममा ३० जना खेल पत्रकारको सहभागिता थियो ।
एनएसजेफ एकेडेमीको ‘नो योर गेम’ कार्यक्रमअन्तर्गत सञ्चालन गरेको यो पाँचौं खेलको प्रशिक्षण हो । यसअघि भलिबल, रक क्लाम्बिङ, बक्सिङ र ब्याडमिन्टन खेलबारे प्रशिक्षण सम्पन्न भइसकेको छ ।
प्रतिक्रिया 4