२२ जेठ, काठमाडौं । दुवैजना ओपनर ब्याटर चोटग्रस्त भएपछि नेपाल क्रिकेट संघ (क्यान)ले भेट्रान क्रिकेटर सुवास खकुरेललाई टिममा समावेश गर्ने निर्णय गरेको छ ।
आईसीसी विश्वकप लिग टू अन्तर्गत अमेरिका र ओमानसँगको त्रिकोणात्मक श्रृङ्खला खेल्नका लागि नेपाली टिम एक सातादेखि अमेरिकाको टेक्सासमा छ ।
अभ्यास र अभ्यास खेलका क्रममा ओपनरहरु कुशल भुर्तेल र आसिफ शेख घाइते भएपछि नेपाल टिम अप्ठेरोमा परेको थियो । कुशलको ह्याम्स्ट्रिङ र आसिफलाई घुँडामा चोट लागेको थियो ।
दुवै खेलाडी श्रृङ्खला सुरु हुने समयसम्म फिट हुने सम्भावना कम रहेकाले बन्द प्रशिक्षणका क्रममा राम्रो प्रदर्शन गरेका विकेटकिपर÷ओपनर सुवासलाई टिममा समावेश गर्ने निर्णय गरिएको क्यानले जारी गरेको वक्तव्यमा उल्लेख छ ।
अर्को वर्ष भारतमा हुने आईसीसी एकदिवशीय विश्वकप छनोटको सुरुवाती खुट्किलोका रुपमा रहेको लिग टू अन्तर्गत त्रिकोणात्मक श्रृङ्खला जेठ २६ गतेदेखि सुरु हुँदैछ । नेपालले अमेरिका र ओमानसँग २÷२ एकदिवसीय अन्तर्राष्ट्रिय खेल खेल्नेछ ।
प्रतिक्रिया 4