नाडाल संघर्षपूर्ण जितसहित सेमिफाइनलमा

२३ असार, काठमाडौं । विश्व नम्बर दुई टेनिस राफायल नाडाल संघर्षपूर्ण जितसहित विम्बल्डन ओपनको सेमिफाइनलमा प्रवेश गरेका छन् ।

सेन्टर कोर्टमा बुधबार राति भएकाे खेलमा नाडालले अमेरिकाका टेलर फ्रिट्जलाई ५ सेटकाे खेलमा हराए ।

नाडालले टेलरलाई ३-६,७-५,३-६,७-५, ७-६ (१०-४) को सेटमा हराए ।

कीर्तिमानी २२ ग्रान्डस्लाम जितेका नाडालले फाइनल प्रवेशका लागि निक किर्गियाेससँग खेल्ने छन् ।

निकले क्रिस्टियन गारिनलाई ६-४, ६-३, ७-६ ले हराए ।

यसअघि नै नोभाक जोकोभिच र क्यामरुन नोरीले सेमिफाइनलमा स्थान बनाइसकेका छन् ।