स्मार्टच्वाइस र मुक्तिनाथ विकास बैंकबीच सम्झौता

काठमाडौं । नेपाल राष्ट्र बैंकबाट भुक्तानी प्रणाली सञ्चालकको अनुमतिपत्र प्राप्त स्मार्टच्वाइस टेक्नोलोजिज लिमिटेड (एससीटी) र मुक्तिनाथ विकास बैंक लिमिटेडबीच स्मार्ट क्यूआरमार्फत भुक्तानी सेवा प्रदान गर्नेसम्बन्धी सम्झौता भएको छ ।

सम्झौतापत्रमा स्मार्टच्वाइस टेक्नोलोजिजको तर्फबाट प्रमुख कार्यकारी अधिकृत नारायणप्रकाश भुजु र मुक्तिनाथ विकास बैंकको तर्फबाट सहायक नायव प्रमुख कार्यकारी अधिकृत तिलबहादुर गुरुङले हस्ताक्षर गरे । डिजिटल इकोसिस्टमको विकासमा थप योगदान पुग्ने बैंकले जारी गरेको विज्ञप्तिमा उल्लेख छ ।