देउवालाई भेट्न बालुवाटारमा कोइराला

२९ साउन, काठमाडौं । प्रधानमन्त्री एवम् नेपाली कांग्रेसका सभापति शेरबहादुर देउवा र नेता डा. शेखर कोइरालाबीच भेट भएको छ ।

शेखर पक्षको बैठक चलिरहेको बेला देउवाले उनलाई बोलाएका थिए । देउवाले बोलाएपछि कोइरालाले प्रधानमन्त्री निवास बालुवाटारमा गएर भेट गरेका हुन् । देउवा र शेखरबीच भएको छलफलको विषय भने खुलेको छैन ।

शेखर पक्षका दोस्रो तहका नेता तथा भ्रातृ संस्थाका पूर्व पदाधिकारीहरुको बैठक आज बोलाइएको थियो ।

‘हिजोको बैठकमा उठेका विषय जानकारी दिने गरि छलफलका लागि जुटेका थियौं’, नुवाकोटका पूर्व जिल्ला सभापति जगदिशश्वर नरसिंह केसीले भने, ‘प्रधानमन्त्रीले बोलाएपछि शेखर दाइ बालुवाटार जानुभयो । हामीले केहीबेर छलफल गरेर बैठक सकायौं ।’

प्रधानमन्त्री तथा पार्टी सभापति देउवाको कार्यशैलीप्रति कोइराला पक्ष असन्तुष्ट छ ।