+
+

जिसस सप्तरीका निवर्तमान प्रमुख जसपामा प्रवेश

अनलाइनखबर अनलाइनखबर
२०७९ भदौ ११ गते १९:२७

११ भदौ, सप्तरी । जिल्ला समन्वय समिति सप्तरीका निवर्तमान प्रमुख प्रभाकर यादव जनता समाजवादी पार्टी (जसपा) मा प्रवेश गरेका छन् ।

शनिबार राजविराजमा आयोजित कार्यक्रममा यादव जसपामा प्रवेश गरेका हुन् । उनीसँगै लोकतान्त्रिक समाजवादी पार्टीका पूर्व जिल्ला अध्यक्ष अमरनाथ मण्डल, छिन्नमस्ता गाउँपालिकाकी निवर्तमान वडा अध्यक्ष प्रमिला यादव, विवेकशील पार्टीका केन्द्रीय सदस्य सुमन कुमार मिश्रासहितका पनि जसपा प्रवेश गरेका हुन् ।

तत्कालीन राजपाबाट जिल्ला समन्वय समितिको प्रमुखमा निर्वाचित यादव पछिल्लो समयमा लोकतान्त्रिक समाजवादी पार्टी (लोसपा) मा थिए । तर स्थानीय तहको निर्वाचनमा लोसपाले छिन्नमस्ता गाउँपालिकाको अध्यक्ष पदको टिकट नदिएपछि उनी हृदयेश त्रिपाठी नेतृत्वको जनता प्रगतिशील पार्टीबाट चुनाव लडेका थिए । यद्यपि उनी पराजित भएका थिए ।

पार्टी प्रवेश गरेका यादवसहितकालाई जसपा अध्यक्ष उपेन्द्र यादवले सदस्यता प्रदान गर्दै माला र गमछा लगाएर स्वागत गरेका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

छुटाउनुभयो कि ?