३ असोज, काठमाडौं । पिनाकल कलेजका अजितकुमार यादव र नेपाल पुलिस क्लबकी राजपुरा पछाई अखिल क्रान्तिकारीद्वारा आयोजित काठमाण्डौ रोड रेसको विजेता भएका छन् ।
५ किलोमिटको सडक दौड अजितले १७ मिनेट ४५.३ सेकेन्डमा पूरा गरी उपाधि जितेका हुन् ।
महिलातर्फ विजेता राजपूराले २० मिनेट ३५.७५ सेकेन्डको टाइमिङ निकालिन् । विजेता दुवैले जनही २५ हजार रुपैयाँ पुरस्कार पाए ।
आठौं संविधान दिवसको अवसरमा आयोजनामा भएको प्रतियोगितामा पुरुषतर्फ नेपाल पुलिस क्लबका सन्तोषविक्रम बिष्ट दोस्रो तथा त्रिभुवन आर्मी क्लबका मोहनदेव जोशी तेश्रो भए ।
महिलातर्फ पुलिस क्लबकै राममाया बुढा दोश्रो र रेखा बिष्ट तेस्रो भइन् । दोश्रो र तेश्रो हुने खेलाडीहरुले क्रमशः नगद २० हजार र १५ हजार रुपैयाँ पुरस्कार पाए ।
प्रतियोतिमा ३६५ पुरुष र ११२ जना महिला गरी कुल ४७७ धावकको सहभागिता थियो । रेस दशरथ रंगशालाबाट सुरु भएर थापाथली, माइतीघर, बबरमहल, बिजुलीबजार पुल हुँदै एभरेष्ट होटलको अगाडिबाट फर्किएर सोही रुट रंगशाला आएर समापन भएको थियो ।
प्रतिक्रिया 4