३ असोज, विराटनगर । प्रजातन्त्र सेनानी तोरेन्द्रमानसिंह प्रधानको निधन भएको छ । विराटनगर महानगरपालिका १० का बासिन्दा प्रधानको ९३ वर्षको उमेरमा सोमबार दिउँसो निधन भएको हो ।
स्वासप्रश्वासमा समस्या देखिएपछि प्रधानलाई आइतबार न्यूरो अस्पताल विराटनगरमा भर्ना गरिएको थियो । उपचारका क्रममा सोमबार दिउँसो प्रधानको निधन भएको अस्पतालले जनाएको छ ।
२००७ सालको प्रजातान्त्रीक आन्दोलनमा सक्रिय प्रधान नेपाली कांग्रेससँग नजिक थिए । लाभको पदमा नबसेका उनी नेवारी र नेपाली संस्कृतिको ज्ञाता थिए ।
पछिल्लो समय उनी वातावरण संरक्षण अभियानमा जोडिएका थिए । उनका तीन छोरी र श्रीमती छन् । प्रधानको अन्तिम संस्कार मंगलबार गरिने परिवारले जनाएको छ ।
यो खबर पढेर तपाईलाई कस्तो महसुस भयो ?
प्रतिक्रिया
भर्खरै
पुराना
लोकप्रिय
ट्रेन्डिङ
Advertisment
प्रतिक्रिया 4