१९ कात्तिक, काठमाडौं । शिवपुरी ट्रायल रन एण्ड साइक्लिङ कम्पिटिसनको २२ किलोमिटर पुरुष दौडमा गजेन्द राई पहिलो भएका छन् ।
यो स्पर्धामा खड्गबहादुर खड्का दोश्रो र मोहनदेव जोशी तेश्रो भए । २२ किलोमिटर दौडमा २३२ जना सहभागी थिए ।
पहिलो भएका राईले १ लाख रुपैयाँ पुरस्कार पाए । यो स्पर्धामा १० औं स्थानसम्म पर्नेले नगद पुरस्कार पाएका छन् ।
१५ किलोमिटर महिला दौडमा भने मञ्जु राउत पहिलो भएकी छिन् । गीता विक दोश्रो र सुनकला राई तेश्रो भए । यो स्पर्धामा ४३ जना सहभागी थिए । राउतले ५० हजार रुपैयाँ नगद पुरस्कार पाएकी छिन् ।
३० किलोमिटर साइक्लिङमा भने हिमाल टमटा पहिलो, लक्ष्मण मल्ल दोश्रो र कुमार तामाङ तेश्रो भए । साइक्लिङमा ९९ जना सहभागी रहेको आयोजक भवानी दल गणले जनाएको छ ।
पहिलो भएका सेनाका टमटाले ७० हजार रुपैयाँ नगद पुरस्कार पाएका छन् । महिला दौड र साइक्लिङमा पाँचौ स्थानसम्म पर्ने खेलाडीले नगद पुरस्कार पाएका छन् ।
प्रतिक्रिया 4