+
+

सुपर ८ मा स्थान बनाउन आतुर अष्ट्रेलिया

अनलाइनखबर अनलाइनखबर
२०८१ जेठ २९ गते १६:२३

२९ जेठ, काठमाडौं । टी–२० विश्वकपमा इंग्ल्याण्ड, पाकिस्तान, श्रीलंका जस्ता ठूलो टिम संघर्षरत छन्, न्यूजिल्याण्डको पनि सुरुवात राम्रो रहेन ।

तर आफ्नो पहिलो खेलमा ओमानविरुद्ध सुरुवाती केही ओभरलाई छाड्ने हो भने अष्ट्रेलियाले शानदार प्रदर्शन गरिरहेको छ ।

इंग्ल्याण्डविरुद्ध ब्याटिङ प्रदर्शन त उत्कृष्ट टिम संयोजन थियो, जसमा टिमको स्कोर २०१ रन हुँदा व्यक्तिगत सर्वाधिक रन ३९ थियो । अनि सर्वाधिक कम स्ट्राइकर रेट ग्लेन म्याक्सवेलको ११२ थियो ।

भोलि बिहीबार बिहान हुुने खेलमा नामिबियालाई हरायो भने अन्तिम खेल अगाडि नै सुपर ८ मा पुग्नेछ । दुई टिम औपचारिक खेलमा सन् २००३ को एकदिवसीय विश्वकपमा भिडेका थिए, जसमा अष्ट्रेलियाले २५६ रनको जित निकालेको थियो ।

टी–२० विश्वकप अगाडि वार्मअप म्याच भयो, त्यो पनि अष्ट्रेलियाले सहजै जित्यो । नामिबियालाई ११९/९ मा रोकेको अष्ट्रेलियाले मात्र १० ओभरमा ३ विकेट गुमाएर जित निकालेको थियो ।

यो खेलमा प्रशिक्षक एन्ड्र्यू म्याकडोनाल्ड र अष्ट्रेलियाले खेलाडीहरूलाई पालो दिनुको साटो आफ्नो उत्कृष्ट टिमलाई नै खेलाउने सम्भावना छ ।

किनकि समूह चरणको अन्तिम खेलमा स्कटल्याण्डविरुद्ध खेल्दा सुपर एटमा पुग्नुपर्ने दबाब नहोस् ।

लामो ब्रेकपछि टिममा फर्किएका एडम जाम्पा निकै लयमा देखिएका छन् ।

उनले दुवै इनिङमा २–२ विकेट लिएका छन् । इंल्ग्याण्डविरुद्ध उनी महत्त्वपूर्ण एक थिए ।

उनले आफ्नो पहिलो बलमा नै फिल साल्टलाई आउट गरेका थिए । ह्वाइट बलमा अष्ट्रेलियाका सफल क्रिकेटर बनेका जाम्पा टी–२० आईमा १०० विकेटका लागि चार विकेट मात्र टाढा छन् ।

नामिबियाले अहिलेसम्म टिममा एक परिर्वतन गरेको छ, माइकल भान लिङ्ग्नेको स्थानमा जेपी कोट्जे । तर दुवै पहिलो ओभरमा शून्यमै आउट भएका छन् ।

बायाँ हाते स्पीनर बर्नार्ड शोल्टजले नामिबियाको दुवै खेलमा अविश्वसनीय प्रदर्शन गरेका छन् । स्कटल्याण्डलाई दबाबमा राख्न उनले ठूलो भूमिका खेलेका थिए । दुवै खेलमा २० रन दिएर एक विकेट लिएका उनले ८ ओभरमा एक चौका र एक छक्का खाएका छन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?