पार्टी नेतृत्वलाई बजरंग नेपालीको सुझाव : अहंकार त्यागेर समाधान खोज्नुस्

News Summary

Generated by OK AI. Editorially reviewed.

नेपाली कांग्रेसका महासमिति सदस्य बजरंग नेपालीले पार्टी नेतृत्वलाई अहंकार त्यागेर समन्वयबाट समाधान खोज्न आग्रह गर्नुभयो।
उहाँले महाधिवेशनमा ६० प्रतिशतभन्दा बढी प्रतिनिधि उपस्थित रहेको उल्लेख गर्दै पार्टी एकता कायम गर्नुपर्ने बताउनुभयो।
बजरंग नेपालीले आवेग त्यागेर विधानको सीमामा बसेर अनुशासित भएर समाधान निकाल्नुपर्ने धारणा राख्नुभयो।

२७ पुस, काठमाडौं । नेपाली कांग्रेसका महासमिति सदस्य बजरंग नेपालीले भृकुटीमण्डपमा उर्लिएको लहरलाई हेरेर आफ्नो निर्णयमा पुनर्विचार गर्न पार्टी नेतृत्वलाई आग्रह गरेका छन् ।

नेपाली कांग्रेसको दोस्रो विशेष महाधिवेशनको उद्घाटन समारोहमा शुभकामना मन्तव्य व्यक्त गरेका महोत्तरीका नेपालीले अहंकार त्यागेर समन्वयबाट समाधान खोज्न नेतृत्वलाई आग्रह गरे ।

‘यहाँ ६० प्रतिशतभन्दा बढी महाधिवेशन प्रतिनिधि साथीहरूको उपस्थिति छ । यो पार्टी हो कि होइन ? यो पार्टीको एकता हो कि होइन ? म पार्टीका सभापति, कार्यबाहक सभापति र संस्थापनपक्षमा रहेका भनिएका केन्द्रीय सदस्यहरुलाई भन्न चाहन्छु– अहंकारले कसैको हित गर्दैन । पार्टी त चल्दै चल्दैन । अहंकार त्यागेर फेरिएको जनमत स्वीकार गरेर पार्टीलाई एकताबद्ध बनाउनुस् । समन्वयबाट समाधान खोज्नुस्,’ उनले भने ।

उनले आवेग त्यागेर अनुशासित भएर तथा विधानको सीममा बसेर समाधान निकाल्नुपर्ने धारणा राखे ।