प्रेम सम्बन्ध कसिलो बन्नेछ । अतिथि सत्कारको अवसर मिल्नेछ । अनावश्यक र्खच वृद्धि हुनेछ ।

महिनाभरि खेलकुदमा राम्रो सफलता मिल्ने छ । आफन्तजनबाट प्राप्त सहयोगले कार्य समापन गरिने छ । राजनीतिमा भने निन्दित बन्नुपर्ने छ । शेयर कारोबार यो महिना मध्यम हुने छ । छात्रछात्राका लागि समय अनुकूल बन्ने छ । लगानीका नयाँ अवसर प्राप्त हुनेछन् । सन्तान सुख प्राप्त होला ।

ग्रहगोचर समग्रमा शुभ रहने छ । कर्मेश तथा तृतीयेश मंगल पञ्चम भावमा बसेर एकादश स्थानमा हेर्ने भएकाले आफ्नो परिश्रमबाट प्रसस्तै धनलाभ हुने छ । सत्यता एवं इमान्दारीता देखाउनाले ठूलै जिम्मेवारी प्राप्त गरिने छ । वर्षभरि नै साढेसातिको प्रभाव रहने भए तापनि राशि स्वामी शनी राशिमै रहने भएकाले त्यति प्रतिकूलता बढ्ने छैन ।

वैज्ञानिक क्षेत्रमा अनुसन्धानमा लागेका व्यक्तिलाई चमत्कारी सफलता मिल्ने छ । सवारी साधन जोड्नुका साथै नोकरीमा उपयुक्त स्थान प्राप्त होला ।

अनावश्यक विवादले मानसिक सन्तुलन बनाइराख्न कठिनाइ आउनेछ । असोज महिनाको अन्त्यतिर राहु राशिमा प्रवेश गर्नाले स्वास्थ्यमा बाधाका साथै मनमा चन्चलता उत्पन्न हुने छ । उपलब्धिहीन कार्यमा पनि समय बित्ने छ ।