कृत्रिम दाँत राख्न कति लाग्छ खर्च ?

अनलाइनखबर २०८१ माघ १८ गते १६:०८

कृत्रिम दाँत राख्ने

कतिपयको दाँत नै उखेल्नुपर्ने हुनसक्छ । वा कतिपयको दाँत टुटेको, उखेलिएको हुनसक्छ । यस्तो अवस्थामा एउटा विकल्प रहन्छ, कृत्रिम दाँत राख्ने ।

कृत्रिम दाँत के कस्तो अवस्थामा राख्नुपर्छ ?

चोटपटक लागेर दाँत झरेको, किराले खाएर दाँत निकालेको लगायत विभिन्न अवस्थामा कृत्रिम दाँत राख्न सकिन्छ ।

कति अवधि लाग्छ ?

राख्ने, निकाल्ने दाँत राख्नको लागि त खासै समय लाग्दैन एकै दिनमा यो राख्न सकिन्छ । फिक्स दाँत काट्न समय लाग्ने भएको चार देखी पाँच दिन लाग्छ ।

यो कति सुरक्षित र दिगो हुन्छ ?

कृत्रिम दाँत दिगो नै हुन्छ । फिक्स दाँत र प्रत्यारोपण दाँत १० देखी १२ वर्ष चल्छ भनिन्छ । तर, त्यो भन्दा लामो समय पनि टिक्न सक्छ ।

यसका लागि कति खर्च लाग्न सक्छ ?

सामान्यतया राख्ने निकाल्ने एउटा दाँतको ५ सय देखी १५ सय रुपैयाँ पर्न सक्छ । एउटा फिक्स दाँत राख्न ५ हजार देखी ८ हजार रुपैयाँ पर्न सक्छ । दाँत इम्प्लान्ट गर्न २५ हजार देखी ६० हजार रुपैयाँ सम्म खर्च लाग्न सक्छ ।