सुरक्षाको लागि जुत्ता चप्पल लगाउने
बत्तीहरु लगाउँदा जुत्ता चप्पल लगाउनुपर्छ । यसले बिजुलीको झट्का लाग्ने सम्भावना बढाउँछ ।
चिसो हातले नछुने
बलिरहेको बत्तीको लहरालाई चिसो हातले छुँदा यसले करेन्ट लाग्न सक्छ । पूरानो बत्तीहरु प्रयोग गर्दै हुन्हुन्छ भने कतै चुडिएको वा भित्रको तामा निस्किरहेको छ कि हेरेर मात्र बाल्नु उपयुक्त हुन्छ ।
काटिएको तारमा टेप लगाउने
काटिएको वा भाचिँएको तारलाई टेप राम्रोसँग लगाए त्यसबाट करेन्ट आउने वा हातमा घोच्ने हुँदैन ।
बत्ती लगाउँदा स्विच अफ गर्ने
बत्ती जडान गर्दा सधै मेन स्वीच बन्द गरेर मात्र गर्ने, यसो नगरेको खण्डमा करेन्ट लाग्ने सम्भावना प्रबल हुन्छ । झिलिमिली बत्ती जडान गर्दा दक्ष व्यक्तिबाट जडान गराउने । अग्ला भवन,अपार्टमेन्ट, टावरमा बत्ती जडान गर्दा सिडी, सु्रक्षा बेल्ट र हेल्मेट आदि प्रयोग गरेर मात्र गर्नु उचित हुन्छ ।
बच्चालाई वरवर नराख्ने
बच्चाको पहुँचबाट सकेसम्म बत्तीको माला र मल्टी पल्क टाढा राख्नुपर्छ । कतै पनि नाङ्गो तार नछोडने र स्वीच बक्स बच्चाहरुले नभेट्ने ठाउमा राख्नुपर्छ ।
बत्तीको छनौट
सस्तो पाइयो भन्दैमा कमसल खालको बत्ती खरिद नगर्नुहोस् । आइएसआई मार्क गरिएको बत्ती खरिद गर्न उचित हुन्छ । यसले बिजुलीको खपत पनि कम गर्छ ।
