१. आँखा मिच्नु
आँखा मिच्नु हानिकारक बानी हो । यसले रक्तनली फुटाउने, कालो घेरा, सुन्निने, चाउरी र कर्नियामा चोट पुर्याउँछ । लामो समयमा केराटोकोनस, धमिलो दृष्टि र संक्रमणको जोखिम बढ्छ । चिलाएमा सफा पानीले धुनुहोस् वा चिकित्सकको सिफारिसमा औषधि प्रयोग गर्नुपर्छ ।
२. पर्याप्त निद्रा नलिनु
७–८ घण्टा निद्रा नपुग्दा आँखा फड्किने, दुख्ने, सुख्खा, चिलाउने र धमिलो हुन्छ । रक्तप्रवाह कम भई सुन्निने बढ्छ र जैविक घडी बिग्रन्छ । नियमित समयमा सुत्ने, राति स्क्रिन कम गर्ने बानी बसाल्नु उचित हुन्छ । राम्रो निद्राले आँखा स्वस्थ राख्छ ।
३. पानी कम पिउनु
पानी कम हुँदा आँसु उत्पादन घट्छ, आँखा सुख्खा, चिलाउने, रातो र धमिलो हुन्छ । दैनिक ८–१० गिलास पानी पिउनाले आँखा नरम र स्वस्थ रहन्छ । पर्याप्त पानी आँखाको लागि अत्यावश्यक छ ।
४. स्वस्थ आहार नलिनु
आजभोलि प्रायले स्वस्थ खानेकुरा भन्दा छिटो छरितो मिठो प्रशोधित, चिनीयुक्त खानेकुरा बढी रुचाउछन् । यी खानेकुराले रेटिनामा पोषण पुग्दैन, दृष्टि कमजोर र चिलाउने समस्या बढ्छ । भिटामिन ए, सी, ई, लुटिन, ओमेगा–३ कमीले मोतियाबिन्दु र म्याकुलर डिजनरेशनको जोखिम हुन्छ ।
५. धूम्रपान
धूम्रपानले रक्तप्रवाह बिगार्छ, अक्सिडेटिभ स्ट्रेस बढाउँछ । यसले मोतियाबिन्दु, म्याकुलर डिजनरेशन, जलविन्दु, सुक्खा आँखा र रेटिनोप्याथीको जोखिम दोब्बर बनाउँछ । आँखाको स्वास्थ्य जोगाउन धूम्रपान पूर्ण रूपमा छोड्नुपर्छ । छोडेपछि आँखा सुधार हुन्छ ।
६. अधिक स्क्रिन टाइम
लामो स्क्रिन हेर्दा झिम्क्याउने दर घट्छ, आँखा सुख्खा, चिलाउने, टाउको दुख्ने र धमिलो हुन्छ । राति हेर्दा निद्रा बिग्रन्छ । २०–२०–२० नियम (२० मिनेटमा २० फिट टाढा २० सेकेन्ड हेर्ने) र ब्लू लाइट फिल्टर प्रयोग गर्न सकिन्छ ।
