कलेजो स्वस्थ रहेको देखाउने १० संकेत

अनलाइनखबर २०८१ पुष २१ गते १३:३८

छालामा चमक

शरीर र अनुहारको छालामा चमक भएमा कलेजोले राम्रोसँग काम गरिरहेको संकेत हो ।

बलियो पाचनप्रणाली

पेट सम्बन्धी समस्या छैन । खानेकुरा सहज पच्ने र दिसा नियमित हुन्छ भने कलेजो स्वस्थ रहेको अर्को संकेत हो ।

फुर्तिलो रहने

कलेजो स्वस्थ भएको व्यक्ति दिनभर नै ऊर्जावान् हुन्छन् । फुर्तिलो देखिन्छन पनि ।

तौल नियन्त्रण

कलेजो ठिक छ भने व्यक्तिको तौल उचाई अनुसार अनुकुल नै हुन्छ । कलेजोले राम्रोसँग काम गर्ने शरीरमा अनावश्यक बोसो बढ्न पाउँदैन ।

सामान्य भोक

भोक लाग्ने अवस्था सामान्य छ । चाहिनेभन्दा बढी खाने चाहाना हुँदैन भने कलेजो स्वस्थ भएको संकेत हो ।

स्वस्थ आँखा

कलेजो स्वस्थ भएमा आँखा सफा, सेतो र चम्किलो हुन्छ । आँखाको समस्या कमै देखिन्छन् ।

रक्तचाप सामान्य हुनु

स्वस्थ कलेजो हुने व्यक्तिको रक्तचापसम्बन्धी समस्या हुँदैन ।

चोटपटक लागेको छिटो निको हुनु

स्वस्थ कलेजो भएमा रगत बढी जान नदिने प्रोटिनको उत्पादन गर्छ । जसले चोटपटक लागेको छिटो निको पार्छ ।

मानसिक स्वास्थ्य राम्रो हुनु

ध्यान केन्द्रित गर्न समस्या छैन । मानसिक रुपमा बोझिलो अनुभव हुँदैन भने कलेजो ठिक रहेको संकेत हो ।

प्रतिरोधात्मक क्षमता बलियो हुनु

स्वस्थ कलेजोले प्रतिरोधात्मक क्षमता बलियो बनाउँछ । जसकारण मौसमी फ्लु, वातावरणजन्य एलर्जी हुने सम्भावना न्यून हुन्छ ।