१. धेरै प्रश्न नसोध्नुहोस्
पहिलो डेटलाई जागिरको अन्तर्वार्ताजस्तो नबनाउनुहोस् । लगातार प्रश्न सोधिरहँदा अर्को व्यक्तिलाई असहज लाग्न सक्छ, त्यसैले दुवै जनाले सहज रूपमा आफ्ना कुरा राख्ने वातावरण बनाउनुहोस् ।
२. पूर्ण रूपमा चुप पनि नबस्नुहोस्
अर्को व्यक्तिले मात्र कुरा गरिरहँदा वा आफू चुपचाप बसिरहँदा भेटघाट खल्लो हुन सक्छ । आफ्नो बारेमा पनि स–साना कुरा बताउनुहोस् र उसको कुरा ध्यान दिएर सुन्नुहोस् ।
३. पुराना डेटका कुरा नगर्नुहोस्
पहिलो भेटमै आफू पहिले कसैसँग डेटमा गएको वा सम्बन्धमा रहेको कुरा विस्तारमा सुनाइरहनु आवश्यक छैन । पुरानो सम्बन्धको तुलना गर्दा अर्को व्यक्तिलाई असहज महसुस हुन सक्छ ।
४. पुराना दुःखका कुरा नगर्नुहोस्
पुरानो प्रेम, टुटेको सम्बन्ध वा जीवनका दुःखका कुरा पहिलो भेटमै धेरै गर्नु राम्रो हुँदैन । यस्ता व्यक्तिगत कुरा विश्वास र समझदारी बढ्दै गएपछि बिस्तारै साझा गर्न सकिन्छ ।
५. आफ्नो कमाइ र सफलताको बखान नगर्नुहोस्
आफ्नो काम, पेशा वा करियरबारे बताउनु स्वाभाविक हो । तर कमाइ, सम्पत्ति वा सफलताको बारम्बार बखान गर्दा तपाईं देखावटी हुनुहुन्छ भन्ने गलत प्रभाव पर्न सक्छ ।
६. बिल तिर्ने कुरामा विवाद नगर्नुहोस्
सँगै चिया, कफी वा खाना खाँदा बिल कसले तिर्ने भन्ने कुरालाई ठूलो विवादको विषय नबनाउनुहोस् । कसैले तिर्न चाहे सहज रूपमा स्वीकार गर्न सकिन्छ वा आफूले तिर्न चाहेको कुरा नम्रतापूर्वक भन्न सकिन्छ ।
७. अरूलाई गलत देखाउन नखोज्नुहोस्
पहिलो भेटमै साझा चिनजान भएका मानिसका कमजोरी, खराब बानी वा व्यक्तिगत कुराहरू सुनाउँदै नबस्नुहोस् । यसले अर्को व्यक्तिलाई तपाईं अरूका कुरा पनि पछाडि गएर गर्न सक्नुहुन्छ भन्ने लाग्न सक्छ ।
८. आफूलाई धेरै ‘कूल’ देखाउने प्रयास नगर्नुहोस्
अर्को व्यक्तिलाई प्रभावित पार्न आफ्नो वास्तविक स्वभावभन्दा बिल्कुल फरक देखिन खोज्नु आवश्यक छैन । बनावटी व्यवहार गर्नुभन्दा आफूजस्तै सहज र स्वाभाविक रूपमा प्रस्तुत हुनु राम्रो हुन्छ ।
९. शारीरिक रूपमा धेरै नजिक हुन नखोज्नुहोस्
पहिलो डेटमा अर्को व्यक्तिको इच्छा, सहजता र व्यक्तिगत सीमाको सम्मान गर्नु निकै महत्वपूर्ण हुन्छ । उसको इच्छाविपरीत शारीरिक रूपमा नजिक हुन खोज्दा राम्रो सुरुवात नै असहज बन्न सक्छ ।
