मोटोपन
मोटोपन भएको व्यक्तिमा ‘ट्राइग्लाइसेराइड्स’ भन्ने एक प्रकारको बोसोको मात्रा धेरै हुन्छ र नराम्रो कोलेस्टेरोलको मात्रा बढी हुन्छ । यसले मुटुको रक्तनलीमा बोसो जम्छ ।
पर्याप्त निद्रा नपुग्नु
पर्याप्त निद्रा प्राप्त नगर्दा हृदय प्रणालीले आराम पाउँदैन र मुटुरोगको जोखिम बढ्छ ।
अत्याधिक तनाव
अत्याधिक तनावले मुटुको रक्तनलीलाई हानि पुर्याउँछ, जसले हृदयघात र मस्तिष्कघातको जोखिम बढाउँछ ।
रक्सी र चुरोट खानु
रक्सीको अत्याधिक सेवनले उच्च रक्तचाप हुन्छ । चुरोटले मुटुको नसामा भएको भित्री पत्रलाई पातलो बनाइदिन्छ । त्यो पत्र पातलो भएर फुट्ने सम्भावना हुन्छ ।
स्टेरोइडको प्रयोग
मांसपेशी बढाउन स्टेरोइडको प्रयोग गरेको पाइन्छ । यसरी जथाभावी स्टेरोइड प्रयोगले पनि मुटुरोगको जोखिम बढाउँछ ।
