कपाल प्रत्यारोपण सुरक्षित छ ?

अनलाइनखबर २०८२ जेठ १८ गते १२:१७

कपाल झरेर तालु हुने समस्या आजभोलि झन् बढ्दै गैरहेको पाइन्छ । यसको समाधान अहिले नयाँ प्रविधि कपाल प्रत्यारोपणबाट सम्भव भएको छ । यसैबीच धेरैमा यो कति को सुरक्षित हुन्छ भन्ने कुरा पनि छ ।

कपला प्रत्यारोपण विज्ञ डा मोहन भुसालका अनुसार दक्ष तथा अनुभवी विज्ञबाट गराउने हो भने यो विधि सुरक्षित छ । हरेक शल्यक्रियामा भएको जस्तो सामान्य साइड इफेक्ट त हुन्छ ।

साइड इफेक्टमा प्रत्यारोपण गरिएको भाग सुन्निन सक्छ । हेरचाह गरेन भने संक्रमण हुने सम्भावना हुन्छ ।

कपाल प्रत्यारोपण के हो ?

यो एक शल्यक्रिया हो, जसमा  छालामा एउटा प्वाल बनाएर अगाडिको कपाल झरिसकेपछि पनि पछाडिको कपाल निकालेर प्रत्यारोपण गर्ने हो। दाह्री अनि छातीमा रहेको कपाल समेत ल्याएर प्रत्यारोपण गरिन्छ।

कसरी गरिन्छ ?

कपाललाई अन्य एरियाबाट लिएर गर्दा पछि त्यो ठाउँबाट प्राकृतिक रुपमा नै कपाल उम्रिन्छ । यसको नतिजा ३ देखि ४ महिनामा देखिन्छ । यो प्रक्रिया विस्तारै तर आएपछि स्थायी रुपमै बस्छ ।

यो प्रक्रियामा प्रत्यारोपण गरिने भाग एनेस्थेसिया दिएर लठ्याउने हुँदा दुखेको अनुभव हुँदैन ।