वीर्य दान : कस्तो अवस्थामा, किन गरिन्छ ?

अनलाइनखबर २०८१ असोज १७ गते १५:०२

वीर्यदान के हो ?

वीर्यदान यस्तो प्रक्रिया हो, जसमा पुरुषले दान गरेको शुक्राणुबाट गर्भधारण गराइन्छ ।

कस्ता दम्पतीलाई जरुरी ?

पुरुषको वीर्य गणना गर्दा शून्य आएमा वा जन्मजात नै वीर्य नआउने, अल्ट्रासाउण्डमार्फत अण्डकोष हेर्दा वीर्य हुने तर निस्कन नसक्ने अवस्थामामा अरुको वीर्य लिई गर्भधारण गरिन्छ।

जुनसुकै पुरुषले गर्न सक्छन् वीर्यदान ?

स्वास्थ्य अवस्था सामान्य भएको पुरुषले चाहेको खण्डमा वीर्यदान गर्न सक्छन्।

कसरी भण्डारण गरिन्छ ?

गोप्य कक्षमा वीर्य संकलन भएपछि भण्डारणको प्रक्रियाको लागि (एन्ड्रोलोजील्याब)मा लगिन्छ । निकालेको वीर्यलाई स्वस्थ बनाउन आवश्यक पोषकतत्व मिसाएर भण्डारण गर्ने ट्युबमा राखेर तीन महिनासम्म भण्डारण गरिन्छ ।

महिलाको डिम्बसँग निषेचन कसरी गराइन्छ ?

तयार भइसकेको वीर्यमध्ये पनि गुणस्तरीय छानेर सक्रिय भएको टाउको मिलेको पुच्छर भएको वीर्यलाई छानेर डिस्कमा भएको डिम्बमा निषेचन गराइन्छ ।

गोपनीयता

दाता र प्राप्त गर्ने दम्पतीबारे गोपनीयताको पूर्ण ख्याल राखिन्छ । तर व्यक्तिगत विवरणको अभिलेख भने आईभीएफ सेन्टर वा अस्पतालले राखिरहेको हुन्छ ।

शुक्राणुदान गर्दा कुनै खतरा हुन सक्छ ?

वीर्य वा शुक्राणु दान एक सरल र सिधा प्रक्रिया हो । यसमा कुनै खतरा हुँदैन ।