ब्रेसेस के हो ?
धातुको तार र ब्र्याकेटबाट बनेको उपकरण हो । दाँतलाई बिस्तारै सही स्थानमा ल्याउन भूमिका खेल्छ ।
कस्तो अवस्थामा लगाउने ?
बांगो दाँत, फाटेको दाँत, एकअर्कामाथि खप्टिएमा, चिउँडो नमिल्दा, दाँतको संरचनाले उच्चारण वा खाना चपाउन समस्या भएमा, दाँत सिधा नहुँदा गिजाको संक्रमण वा जोर्नी दुखाइको र दाँतको बनावटले हाँस्न वा बोल्न लजाउने अवस्थामा लगाउनु पर्ने हुनसक्छ ।
ब्रेसेसका प्रकार
मेटल, सेरामिक र क्लियर अलाइनर। यी तीनवटैको काम एकै हो । तर, क्लियर अलाइनर लगाउन/निकाल्न सजिलो हुन्छ । अरु, दुईको दाँजोमा केहि महँगो पनि हुन्छ ।
सबैभन्दा उपयुक्त समय १२ वर्ष
सबैभन्दा उपयुक्त समय १२ वर्षको उमेर हो । यो दाँत साटिने हुँदा उपचार हुन पायो भने नतिजा राम्रो आउँछ । यसको मतलब उमेर बढ्दै गएपछि असर नगर्ने भन्ने होइन । तर, जति उमेर बढ्दै जान्छ, त्यति अन्य जटिलता पनि आउन भने सक्छ ।
