हवाईजाहजमा बस्दा प्रायलाई झ्यालतर्फ नै बस्ने रुचि हुन्छ । किनकि, अग्लो ठाउँबाट जमिनको दृश्य अझ नजिक भएर नियाल्न पाइन्छ ।
सबै विमानमा उस्तै खालको सिसा राख्नुको पछाडी वैज्ञानिक कारण पनि छ । गोलाकार सिसा हेर्दा आकर्षक मात्र होइन, यस्तो आकारको सिसा भएको झ्यालले सुरक्षा पनि जबर्जस्त दिन्छ।
जब उचाई बढ्दै जान्छ, बाहिर र भित्रको हावाको दवावको गति फरक हुन्छ । गोलाकार सिसामा समान रुपमा हावाको चाप फैलिन्छ । जसले हावाको चाप सन्तुलन रुपमा थेग्न सक्छ । हावाको वेगले फुट्ने सम्भावना कम हुन्छ ।
यो डिजाइनले विमानको संरचनालाई बलियो बनाउँछ । लामो समयसम्म अत्यधिक उचाईमा पनि हावाको दवाव थेग्न सक्छ।
