घडीका १० रोचक तथ्य

अनलाइनखबर २०८२ साउन ४ गते १२:०५

समय मापनको सुरुवात

प्राचीन सभ्यतामा सूर्य, पानी र बालुवाको प्रवाहबाट समय मापन गरिन्थ्यो । यो नै आजको घडीको आधार बन्यो ।

पहिलो घडी

१६औँ शताब्दीमा पहिलो घडी बन्यो । सुरुवातमा  घडी महिलाका लागि गहनाको रूपमा हेरिन्थ्यो । त्यसबेला घडी फेसन आइटम मात्र थियो ।

पहिलो स्टपवाच

सन् १८१६ मा लुई मोइनेटले पहिलो क्रोनोग्राफ बनाएका थिए — जुन आजको स्टपवाचको पुर्खा हो।

सबैभन्दा जटिल घडी

सबैभन्दा जटिल यान्त्रिक घडीमा ५७ भन्दा बढी जटिलताहरू हुन सक्छन्, जसले सूर्य, चन्द्रमा र ग्रहहरूको गति देखाउँछन्।

हिरा जडित महँगा घडीहरू

केही लक्जरी घडीहरूमा हिरा र रत्नहरू जडित हुन्छन् । जसको मूल्य करोडौँ पर्छन् ।

घडी — फेसन स्टेटमेन्ट

घडीहरू समय हेर्न मात्र होइन, तपाईंको व्यक्तित्व र शैली देखाउन प्रयोग हुन्छन्।

फिचर भएको घडी

कम्पास, थर्मामिटर र ब्यारोमिटरजस्ता सुविधाहरू अब घडीमा पनि उपलब्ध छन् ।

बनावट

घडीहरू धातु, काठ, प्लास्टिक, सिरामिक जस्ता सामग्रीबाट बनाइन्छन्। केही घडीहरू नाडीको गतिबाट चल्छन् (स्वचालित), र केही ब्याट्रीमा भर पर्छन् ।

१० बजेर १० मिनेट जाँदा घडीका घण्टा र मिनेट सुईको अवस्थामा हेर्दा मान्छेको अनुहारमा मुस्कुराहट देखाउनका लागि बनाइने आकृति जस्तो बन्छ ।

सबैभन्दा सानो घडी

केही घडीहरू औंठीभित्र फिट हुन्छन्, जुन नाङ्गो आँखाले हेर्न पनि गाह्रो पर्छ ।

सबैभन्दा ठूलो घडी

विश्वको सबैभन्दा ठूलो घडी जर्मनीमा छ । जुन सय १०० फिट अग्लो छ । यसले शहरलाई नै समय बताउँछ।