केही मानिसहरू हरेक कुरामा आफूलाई पीडित जस्तै देखाउन खोज्छन् । यस्ता मानिसहरू हरेक परिस्थितिमा यही जताउन प्रयास गर्छन् कि सबैभन्दा खराब समय सधैं उनीहरूकै चलिरहेको हुन्छ ।
मानिसहरू आफूलाई पीडितजस्तै देखाएर अरूको ध्यान, सहानुभूति र नियन्त्रण पाउन खोज्छन् । यो धेरै मानिसहरूको भावनात्मक र मानसिक रणनीति हुन सक्छ।
जो मानिस असुरक्षित वातावरणमा हुर्केका हुन्छन्, तिनीहरूमा यो बानी धेरै देखिन्छ । बचपनका नराम्रा अनुभवहरू वा जीवनमा परेका कुनै कडा घटनाहरू नै प्रायः यो बानीको मुख्य कारण हुन्छन् ।
भिक्टिम कार्ड खेल्ने मानिसहरूले जिम्मेवारीबाट भाग्छन् । तिनीहरूले कहिल्यै आफ्नै गल्ती स्वीकार्दैनन् र सधैं अरूलाई दोष दिन्छन्, साथै आफूलाई तिनीहरूको गल्तीको शिकार देखाउने प्रयास गर्छन् ।
