खाना नपच्ने, कब्जियत हुने वा पखाला लाग्ने
ग्यास, बान्ता, पेट दुख्ने, पेट सुन्निने, खाएको खाना राम्ररी नपच्ने, पखाला लाग्ने वा कब्जियत हुन्छ भने पाचनयन्त्र खराब भएको संकेत हो ।
छालाको समस्या
पाचनयन्त्र राम्रो भएमा छालामा चमक देखिन्छ, दागधब्बा देखिंदैन, चाउरीपन देखिंदैन । तर पाचनयन्त्र खराब भएपछि छालाको चमक हराउने, दाग धब्बा र चाउरीपन जस्तो समस्या देखा पर्छ ।
सासको दुर्गन्ध
पेटको समस्याले पनि मुखमा दुर्गन्ध ल्याउँछ । यदि ब्रस गरेर वा मुखको सरसफाइ गर्दा पनि सास गन्हाउँछ भने पेट खराब भएको संकेत हुन सक्छ ।
कपाल झर्ने
जब पाचनयन्त्र खराब हुन्छ, शरीरलाई आवश्यक पोषक तत्वको अभाव हुन्छ । त्यसको असर कपालमा पनि पर्छ ।
