अहिले बजार मोहित सुरी निर्देशित हिन्दी फिल्म ‘सैयारा’ले तताएको छ। यसले ६ दिनसम्म भारतीय बक्सअफिसमा डेढ करोड भारुभन्दा धेरै कमाएको छ ।
‘सैयारा’को बक्सअफिस सफलताले भारतीय फिल्म निर्माणको पछिल्लो शैली र दर्शकीय रुचिमा प्रश्न तेस्राएको छ । फिल्मका विश्लेषक तरण आदर्शले त ‘सैयारा’को सफलताबाट ५ वटा पाठ सिक्न सकिने जनाएका छन् ।
१. युवा दर्शकलाई लक्षित गर्ने कथावस्तु
फिल्मले युवालाई सिनेमाघरमा तान्नुपर्छ, सहरदेखि साना बजारसम्म। ‘सैयारा’ले युवा केन्द्रित कथामार्फत यो सम्भव बनायो। फिल्ममेकरहरूले युवाको रुचि र ऊर्जालाई ध्यानमा राखेर कथा बनाउनुपर्छ।
२. सबै उमेर समूहलाई आकर्षित गर्ने कथा
युवा केन्द्रित भए पनि कथाले परिवार र ज्येष्ठ नागरिकलाई समेट्न सक्नुपर्छ। ‘सैयारा’ले यही सन्तुलन कायम गरेको छ। फिल्ममेकरहरूले समावेशी कथावस्तुमा जोड दिनुपर्छ।
३. भावनात्मक सम्बन्ध स्थापित गर्ने
दर्शकलाई भावनात्मक रूपमा जोड्ने फिल्म बनाउनुपर्छ। ‘सैयारा’ले दर्शकको मन छोएर आँसु झार्न सफल भयो। फिल्ममेकरहरूले हृदयस्पर्शी कथा र दृश्यमा ध्यान दिनुपर्छ।
४. संगीत र लेखनमा जोड
उत्कृष्ट संगीत र बलियो लेखनले फिल्मको प्रभाव बढाउँछ। ‘सैयारा’को संगीत र कथाले यो प्रमाणित गरेको छ। फिल्ममेकरहरूले संगीतलाई फिलर होइन, कथाको अभिन्न अंग बनाउनुपर्छ।
