दूषित पानी र बासी खानेकुरा
दूषित पानी र बासी, सढेगलेको खानेकुराले खराब ब्याक्टेरिया पेटमा पुग्छ । खासगरी होटल, रेस्टुरेन्टमा पकाएको खानेकुरा लामो समय राख्ने गरिन्छ । यसरी राख्दा धुलो, फोहोर, झिंगाले दूषित बनाइदिन्छ ।
इरिटेबल बाउल सिन्ड्रोम
तनावका कारण एड्रिनल तथा कार्टिसाल हार्मोनको श्राव भई पेट खराब गराउँछ। जसलाई इरिटेबल बाउल सिन्ड्रोम भनिन्छ। यस्तोमा प्रत्येक पटक खाना खाएपछि दिसा लागेको,पेट पोल्ने र सुनिन्ने अनुभव हुन्छ ।
प्यान्क्रियाटाइटिस
प्यान्क्रियाजले इन्जाइम उत्पादन गर्छ। पित्तथैलीमा भएको स्टोनले प्यान्क्रियाजबाट आउने तत्व र पित्तथैलीबाट आउने ‘बाइलजुस’लाई अवरुद्ध गरिदिन्छ,। जसले गर्दा प्यानक्रियाजले इन्जाइम बनाउन नसकेर पेट दुख्ने, चिप्लो दिसासहितको पखाला लागिरहन्छ ।
ग्यास्ट्राइटिस
अस्वस्थकर खानपान र खराब जीवनशैलीका कारण आमाशय वा सानो आन्द्रा सुनिन्छ, जसलाई ग्यास्ट्राइटिस भनिन्छ ।
धूम्रपान र मदिरा
धुम्रपान र मदिराले लिभर र प्यान्क्रियाज दुवैमा प्रत्यक्ष असर गर्छ । रक्सी सेवन गर्ने अधिकांशमा ‘यक्युट प्यान्क्रियाटाइटिस’ हुन सक्छ ।
कब्जियतको समस्या
कब्जियतले शरीरमा अन्य रोग पनि पैदा गर्छ । ठूलो आन्द्राबाट दिसा निकाल्नमा कठिनाइ हुनु नै कब्जियत हुनु हो । यो समस्या जटिल बन्दै गएपछि ठूलो आन्द्रामा अवरोध पुर्याउँछ, जुन निकै घातक हुन सक्छ ।
