अहिले धेरैमा हर्मोन असन्तुलनको समस्या बढ्दो छ। अस्वस्थ खानपान र खराब जीवनशैली यसको प्रमुख कारण मानिन्छ। के कस्ता कुरामा ध्यान नदिंदा हर्मोन गडबडी बढाउँछ, जानौं।
जंक फुड र प्याकेट बन्द खानेकुरा
अधिकांश चिकित्सकले जंक फुड र प्याकेट बन्द खानेकुरा नखान सुझाव दिन्छन्। यस्ता खानेकुरामा केमिकल र प्रिजर्भेटिभ धेरै हुन्छ। यी हर्मोनको उत्पादन र सन्तुलनमा असर गर्छ।
बाहिरको खानेकुरा
बाहिरको खाना केवल अस्वस्थकर मात्र होइन, सफा तरिकाले पनि बनाइँदैन। जसले हर्मोनलाई प्रभाव पार्छ। शरीरको प्रतिरक्षा प्रणाली कमजोर हुन्छ।
धेरै मिठाइ र रिफाइन्ड कार्बोहाइड्रेट
अत्यधिक मिठाइ र परिष्कृत कार्बोहाइड्रेट खानेले रगतमा चिनीको स्तर बढाउँछ र इन्सुलिनको मात्रा बढी हुन्छ, जसले हर्मोनल असन्तुलनको कारण बन्न सक्छ।
अत्यधिक तैलीय खाना
धेरै तेल हालेर बनाइएको खाना खानु पनि हर्मोनल असन्तुलनको जोखिम बढाउँछ। सरल र सफा खानेकुरा बढी खाँदा स्वास्थ्यमा सुधार हुन्छ।
अत्यधिक तनाव र कम व्यायाम
तनावले कोर्टिसोल हर्मोन बढाउँछ । त्यस्तै, आराम मात्र गरिन्छ वा बसेर गर्नु पर्ने काम धेरै हुन्छ । दैनिक व्यायाम गरिदैन, शारीरिक गतिविधि कम भएमा एन्डोर्फिन घटाउँछ। जसले मन र शरीर दुबै अस्वस्थ हुन्छन्।
अत्यधिक क्याफिन र एनर्जी ड्रिङ्क्स
धेरै कफी, चिया वा एनर्जी ड्रिङ्क्स पिउँदा कोर्टिसोल (तनाव हर्मोन) बढ्छ। हर्मोन सन्तुलन बिग्रिन्छ, निद्रा र मनोबलमा असर पर्छ।
विषाक्त वातावरण र प्रदूषण
प्लास्टिक, केमिकल, धुलो र धुवाँले एन्डोक्राइन सिस्टम प्रभावित गर्छ। हर्मोन उत्पादन र कार्यमा अवरोध आउँछ।
अपर्याप्त निद्रा
कम निद्राले कोर्टिसोल र ग्रोथ हर्मोनको सन्तुलन बिगार्छ। थकान, चिडचिडोपना र तनाव बढ्छ।
