बढ्दो उमेर र खराब जीवनशैलीले पनि वीर्यको गुणस्तरलाई असर गर्न सक्छ। त्यसैले, सन्तानको योजना बनाइरहेका पुरुषले वीर्यको गुणस्तरलाई बढाउन जीवनशैलीमा केही परिवर्तन गर्नु आवश्यक छ ।
स्वस्थ तौल कायम राख्ने
मोटोपनले वीर्यको गुणस्तर र प्रजनन् क्षमता घटाउन सक्छ । सन्तानको योजना बनाउँदा वा गर्भधारण गर्न कठिनाइको सामना गर्दा सन्तुलित आहार र नियमित व्यायाम गरेर शरीरको तौललाई सन्तुलित राख्नुपर्छ ।
धुम्रपान र मदिरा नपिउने
धुम्रपान र रक्सीको सेवनले वीर्यको गुणस्तर र आयुमा नकारात्मक असर पार्छ ।गर्भधारणको राम्रो नतिजाका लागि धुम्रपान र रक्सीबाट बच्नुपर्छ ।
तनाव नियन्त्रण
उच्च तनावको स्तर खराब वीर्यको गुणस्तर एकअर्कासँग सम्बन्धित हुन्छ । ध्यान, योग वा परामर्श मार्फत तनाव व्यवस्थापन गर्ने प्रयास गर्नुपर्छ ।
