यसो गरे कसो होला
तिहारमा सेलरोटी, फिनी, अनारस लगायत पकवान सेवन गर्दा थोरै चलाखी अपाउन सकिन्छ । यस्ता मिठाई खानुअघि सलाद, फलफूल वा पानी पर्याप्त सेवन गर्ने । पेट भरिएपछि खानेकुरामा खासै आशक्तिहुँदैन । मिठाई पनि नियन्त्रित मात्रामा खाइन्छ ।
सानो प्लेटको प्रयोग
खानामा कटौती गर्ने सबैभन्दा राम्रो उपाय भनेकै सानो आकारको प्लेटको छनोट हो । किनकी प्लेट जति सानो भयो, उक्त प्लेटमा खाना पनि त्यति नै थोरै हालिन्छ ।
प्रशस्त मात्रामा पानीको सेवन
शरीरलाई हाइड्रेटेड राख्नका लागि प्रशस्त मात्रामा पानीको सेवन जरुरी छ । र, शरीरमा पानीको पुर्तिका लागि ताजा फलफलु तथा नरिवल पानीको उपयोग गर्न सकिन्छ ।
स्वस्थकर उपहारको छनोट
तिहार वा भाईटिकाको अवसरमा दिदीबहिनीले दाजुभाईलाई उपहार दिँदा स्वास्थ्यका लागि लाभदायक हुने खानेकुरा दिनु उपयुक्त हुन्छ।
