के हो मखाना ?
मखानालाई फक्स नट, लोटस सीड र केही अन्य नामले पनि चिनिन्छ । यो कमलको फूलको बीउ हो । यसलाई आहारामा नियमित रूपमा सामेल गर्न सके स्वास्थ्यसम्बन्धी थुप्रै फाइदा पाउन सकिन्छ ।
के पाइन्छ मखानामा ?
मखानामा प्रोटिन, फाइबर, भिटामिन सी, क्याल्सियम, आइरन, जिंक, एन्टिअक्सिडेन्ट म्याग्नेसियम, पोटासियम र फस्फोरस प्रशस्त मात्रामा पाइन्छ । अनेकौं गुण र स्वादिष्ट भएकाले यसलाई ‘सुपर फुड’ पनि भन्ने गरिन्छ ।
के हुन्छ मखाना खाँदा ?
मखाना स्वस्थ खाजाको विकल्प हो । मधुमेह नियन्त्रण, रोगप्रतिरोधात्मक क्षमता विकास, सबै उमेर समूहका लागि सुपाच्य, कब्जियतको समस्याबाट राहत, तौल नियन्त्रण, पाचनप्रणालीमा सुधार गर्ने जस्ता फाइदा मखानाले गर्छ ।
कसरी खाने ?
मखानालाई सातुको रुपमा, दूधमा उमालेर वा सुक्खा भुटेर वा त्यत्तिकै पनि खान सकिन्छ । घिउमा भुटेर तथा खीर बनाएर वा बच्चालाई लिटो बनाउँदा मिसाउन सकिन्छ ।
