१. महिनावारीको समयमा छोरीलाई अशुद्ध मानिन्छ।
यो केवल सामाजिक धारणा हो, विज्ञानसँग यसको कुनै सम्बन्ध छैन । महिनावारीको समयमा आराम आवश्यक हुन्छ तर सामान्य जीवनमा कुनै प्रकारको रोक आवश्यक हुँदैन ।
२. गर्भनिरोधक औषधिले बाँझोपन हुन्छ ।
गर्भनिरोधक औषधिले बाँझोपन बनाउँछ भन्ने धारणा गलत हो। यी औषधिको प्रभाव केवल प्रयोग गरिरहँदासम्म मात्र हुन्छ। तर चिकित्सकको सल्लाहबिना कुनै पनि गोली खानु हुँदैन।
३. पहिलोपटक सम्बन्ध बनाएर गर्भ रहँदैन भन्ने धारणा गलत हो।
पहिलो पटक पनि गर्भधारणको सम्भावना हुन्छ, त्यसैले सतर्कता र सुरक्षा दुवै आवश्यक छन्।
४. बच्चाको लिङ्ग आमा होइन, बाबुबाट तय हुन्छ।
पुरुषको X क्रोमोजोम रिलिज हुँदा छोरी जन्मिन्छ र Y क्रोमोजोम रिलिज हुँदा छोरा जन्मिन्छ।
कन्डमले गर्भधारणबाट मात्र बचाउँछ ।
कन्डमले केवल गर्भधारणबाट मात्र होइन, यौन सङ्क्रमणबाट पनि सुरक्षा दिन्छ।
यौन शिक्षा लिँदा बच्चा बिग्रन्छ ।
सही जानकारीले बच्चालाई बिगार्दैन, बरु उसलाई जिम्मेवार र समझदार बनाउँछ। हरेक बच्चाले सेक्ससम्बन्धी कुरा बुझ्नु जरुरी छ – उसको लागि पनि र समाजको लागि पनि।
