Saving Private Ryan (1998)
स्टीवन स्पीलबर्गको निर्देशनमा बनेको यो फिल्म युद्धको क्रूरता र सैनिकहरूको बलिदानलाई जीवन्त बनाउँछ । यसले युद्धको यथार्थपरक दृश्य र भावनात्मक गहिराइका लागि धेरै पुरस्कार जितेको छ।
Schindler's List (1993)
स्टीभन स्पिलबर्गद्वारा निर्देशित यो चलचित्र होलोकास्टको समयमा यहूदीहरूलाई बचाउने जर्मन व्यापारी ओस्कार शिन्डलरको वास्तविक कथामा आधारित छ। यसले मानवताको शक्ति र युद्धको अमानवीयतालाई मार्मिक ढंगले प्रस्तुत गर्छ। सात ओस्कार पुरस्कार जित्ने यो फिल्म कालजयी मानिन्छ।
Apocalypse Now (1979)
यो चलचित्र भियतनाम युद्धमा आधारित छ र फ्रान्सिस फोर्ड कोपोलाले निर्देशन गरेका हुन् । कर्नेल कर्ट्जलाई खोज्ने अमेरिकी सैनिकको मनोवैज्ञानिक यात्रालाई यसले चित्रण गर्छ । यसको सिनेमाटोग्राफी र साउन्डट्र्याक अविस्मरणीय छन्।
Full Metal Jacket (1987)
स्टेनली क्यूब्रिकको यो चलचित्र भियतनाम युद्धमा केन्द्रित छ र सैनिक प्रशिक्षणदेखि युद्धको मैदानसम्मको कथा देखाउँछ। यो दुई भागमा विभाजित छ: प्रशिक्षण र युद्ध अनुभव । युद्धले सैनिकको मानसिकतामा पार्ने प्रभावलाई यसले कठोर रूपमा प्रस्तुत गर्छ । क्यूब्रिकको निर्देशकीय शैलीले यो फिल्मलाई अविस्मरणीय बनाउँछ ।
Dunkirk (2017)
क्रिस्टोफर नोलनद्वारा निर्देशित यो चलचित्र दोस्रो विश्वयुद्धको डन्कर्क उद्धार अभियानमा आधारित छ। यो जमिन, समुद्र र आकाशबाट तीन दृष्टिकोणमा प्रस्तुत गरिएको छ । यसको गैर-रेखीय कथावस्तु र तनावपूर्ण सिनेमाटोग्राफीले दर्शकलाई युद्धको बीचमा पुर्याउँछ । हान्स जिमरको संगीतले फिल्मको प्रभावलाई अझ बढाउँछ ।
Platoon (1986)
ओलिभर स्टोनको यो चलचित्र भियतनाम युद्धमा एक युवा सैनिकको अनुभवमा आधारित छ । यो युद्धको नैतिक जटिलता र सैनिकहरूको संघर्षलाई देखाउँछ । यसले युद्धको क्रूरता र सैनिकहरूको आन्तरिक द्वन्द्वलाई यथार्थपरक ढंगले प्रस्तुत गर्छ । यो फिल्मले चार ओस्कार पुरस्कार जितेको थियो ।
