अनगिन्ती ब्रान्डका नाममा सप्लिमेन्टहरू सिरप, ट्याब्लेट, एनर्जी बार, पेय पदार्थ वा पाउडरका बजारमा उपलब्ध छन् ।
यी सप्लिमेन्टहरुले शरीरमा भिटामिन, मिनरल्स, क्याल्सियम, आइरन र प्रोटिन जस्ता पोषक तत्वहरूको कमीलाई पूरा गर्ने दाबी गरिन्छ । कतिपय औषधि वा भिटामिनको आफ्नै साइड-इफेक्ट हुने हुँदा फार्मेसीबाट किन्नुअघि एकपटक सोच्नैपर्छ ।
भिटामिनको पनि निश्चित मात्रा हुन्छ। आवश्यकताभन्दा बढी सेवन गर्दा शरीरमा तिनीहरूको मात्रा असन्तुलित भई साइड-इफेक्ट देखिन थाल्छ।
विशेषगरी फ्याट–घुलनशील भिटामिन ए, डी, ई र के शरीरमा सञ्चय भई धेरै समयसम्म निस्कँदैनन्। यसले शरीरमा विषाक्तता ल्याउन सक्छ।
सप्लिमेन्ट पोषणको कमी भएका व्यक्तिका लागि बनाइएका हुन्छन्। तर अहिले स्वस्थ व्यक्तिले बिना आवश्यकता भिटामिन खाँदा शरीरको प्राकृतिक सन्तुलनमा असर पर्न सक्छ।
मधुमेह, उच्च रक्तचाप, किड्नी, वा मुटु रोग भएका बिरामीले मनलाग्दी सप्लिमेन्ट लिँदा उनीहरूको स्थितिमा झन् समस्या आउन सक्छ।
