बच्चामा पिसाब संक्रमण देखिए के गर्ने ?

अनलाइनखबर २०८१ कात्तिक ११ गते १२:३१

बच्चामा पिसाब संक्रमण देखिने कारण

स्कुलमा पिसाब आउने बित्तिकै फेर्ने वातावरण नभई घण्टौंसम्म रोकेर राख्ने, दिसा धुँदा हात पछाडिबाट अगाडि लैजानु, प्रशस्त पानी नपिउने र अन्डरवेयर दैनिक परिवर्तन नगर्दा पिसाब संक्रमण हुनसक्छ ।

सामान्य लक्षण

पिसाब पोल्नु, गन्हाउनु, थोरै आउने तर पटक-पटक आउनु जस्ता लक्षण सुरुवातमा देखिन्छ ।

गम्भीर लक्षण

ज्वरो आउने, लामो समय भए पिसाबमा रगत समेत देखा पर्न, मिर्गौलासम्म पुगेको संक्रमणमा अत्यधिक काम ज्वरो आउने, आमाको दूध खान नरुचाउने र वाकवाकी लाग्ने लक्षण देखिन्छ ।

पहिचान

संक्रमणको स्थिति पत्ता लगाउन पिसाबको सामान्य तथा माइक्रोस्कोपिक जाँच र कल्चर गरिन्छ ।

उपचार

संक्रमण पत्ता लागेपछि आवश्यकअनुसार उपयुक्त एन्टिबायोटिक दिइन्छ । औषधि र अन्य लक्षण अनुसारको उपचार गरिन्छ। उपचारपछि पनि एकपटक पिसाब कस्तो छ भनेर पुनः हेरिन्छ ।