महिलामा ५ रोगको जोखिम पुरुषभन्दा बढी

अनलाइनखबर २०८२ फागुन २४ गते १३:०७

महिलाको शरीरमा हुने हार्मोनल परिवर्तन, जीवनशैली र जैविक कारणका कारण केही रोगको जोखिम पुरुषभन्दा बढी हुन्छ। त्यसैले यस्ता रोगका सुरुवाती लक्षण समयमै चिनेर सावधानी अपनाउनु अत्यन्त आवश्यक हुन्छ।

१. थाइराइड समस्या

महिलामा थाइराइडको समस्या पुरुषभन्दा बढी देखिन्छ । अचानक तौल बढ्नु, थकान र कपाल झर्नु यसको संकेत हुन सक्छ ।

२. एनेमिया (रक्तअल्पता)

मासिक धर्म र गर्भावस्थाका कारण महिलामा रक्तअल्पताको जोखिम बढी हुन्छ । कमजोरी, टाउको घुम्ने र सास फेर्न गाह्रो हुनु लक्षण हुन् ।

३. अस्टियोपोरोसिस (हड्डी कमजोर हुने)

उमेर बढ्दै जाँदा महिलाको हड्डी छिट्टै कमजोर हुन सक्छ । ढाड दुख्नु वा सानो चोटमै हड्डी भाँचिनु यसको संकेत हुन सक्छ ।

४. स्तन क्यान्सर

यो महिलामा धेरै देखिने क्यान्सरमध्ये एक हो । स्तनमा गाँठो आउनु, आकार परिवर्तन वा असामान्य दुखाइ लक्षण हुन सक्छ ।

५. डिप्रेसन

हार्मोनल परिवर्तनका कारण महिलामा डिप्रेसनको जोखिम बढी हुन्छ । लगातार उदासी, निद्रामा समस्या र तनाव यसको संकेत हुन सक्छ । गर्भावस्था, प्रसूति पछिको समय र मासिक धर्मसँग सम्बन्धित परिवर्तनले पनि मनोभाव अस्थिर बनाउन सक्छ ।