आज फिफा विश्वकप २०२६ को पहिलो दिन । समूह ‘ए’ का दुई खेल हुँदैछन् । उद्घाटन खेलमा आयोजक मेक्सिकोले दक्षिण अफ्रिकाको सामना गर्नेछ भने दोस्रो खेलमा दक्षिण कोरिया र चेकियाबीच प्रतिस्पर्धा हुनेछ ।
मेक्सिको भर्सेस दक्षिण अफ्रिका
उद्घाटन खेलमा घरेलु समर्थकको साथ पाएको मेक्सिको स्पष्ट रूपमा बलियो देखिन्छ । मेक्सिको १८औँ पटक विश्वकप खेल्दै छ भने दक्षिण अफ्रिका अफ्रिकाको उदाउँदो टोलीका रूपमा मैदानमा उत्रँदैछ । इतिहास, अनुभव र घरेलु वातावरणका कारण मेक्सिकोलाई खेलको फेभरेट मानिएको छ ।
कुन समयमा हुनेछ ?
यो खेल मेक्सिको सिटीको प्रतिष्ठित एज्टेका रंगशालामा हुनेछ । खेल नेपाली समयअनुसार आज राति १२:४५ बजेपछि (जुन १२ को मध्यरात) सुरु हुनेछ । विश्वकप इतिहासको पहिलो खेल भएकाले विश्वभरका करोडौँ समर्थकको नजर यही खेलमा रहनेछ ।
दक्षिण कोरिया भर्सेस चेकिया
दोस्रो खेलमा एशियाली राष्ट्र दक्षिण कोरियाले युरोपेली टोली चेकियाको सामना गर्नेछ । दक्षिण कोरियासँग किम मिन–जे र काङ–इन लीजस्ता स्टार खेलाडी छन् । चेकियासँग युरोपेली अनुशासन र अनुभव छ । कागजमा हेर्दा दक्षिण कोरिया केही बलियो देखिए पनि खेल निकै प्रतिस्पर्धात्मक हुने अपेक्षा छ ।
