निर्वाचन क्विक फ्याक्ट:

• -कुल मतदाता १,८९,०३,६८९ (एक करोड उनान्नब्बे लाख तीन हजार छ सय उनान्नब्बे) रहेकोमा १,११,६८,०३२ (एक करोड एघार लाख अठसट्ठी हजार बत्तीस) जना अर्थात् ५९.०८ प्रतिशतले मतदान गरेका थिए।
• -यो चुनावमा प्रत्यक्षतर्फ ५.४५ प्रतिशत अर्थात् ६,०९,०१५ (छ लाख नौ हजार पन्ध्र) मत बदर भएको थियो। जुन पछिल्ला ७ निर्वाचन अर्थात् ३५ वर्षयताकै सबैभन्दा बढी बदर मत हो।
• -काठमाडौँ-१ को सबैभन्दा सुरुमा नतिजा घोषणा हुँदा गोरखा-१ को सबैभन्दा ढिलो भएको थियो।
• -ओखलढुङ्गा-१ मा सबैभन्दा कम ५ मतान्तरले रास्वपाका विश्वराज पोखरेलले जितेका थिए। त्यस्तै सबैभन्दा बढी ५०,३७९ मतान्तरसहित रूपन्देही-३ मा डा. लेखजङ्ग थापाले जितेका थिए।
• -नेकपा एमालेका अध्यक्ष केपी शर्मा ओली रास्वपाका वरिष्ठ नेता बालेन शाहसँग भारी मतले हारे।
• -विशेष महाधिवेशनबाट सभापति भएका गगन थापा रास्वपाका अमरेश सिंहसँग हार्न पुगे।
• -राप्रपा अध्यक्ष राजेन्द्र लिङ्देन रास्वपाका प्रकाश पाठकसँग पराजित हुन पुगे।
• -नवगठित उज्यालो नेपाल पार्टीका अध्यक्ष कुलमान घिसिङ रास्वपाका राजुनाथ पाण्डेसँग पराजित भए।
• -राष्ट्रिय मुक्ति पार्टीका अध्यक्ष राजेन्द्र महतो रास्वपाका रविन महतोसँग हार्न पुगे।
• -जनमत पार्टीका अध्यक्ष सीके राउत रास्वपाका रामजी यादवसँग हार्न पुगे।
• -जनता समाजवादी पार्टीका अध्यक्ष उपेन्द्र यादव रास्वपाका अमरकान्तसँग पराजित हुन पुगे।
• -उनीहरूसहित अधिकांश पार्टीका पदाधिकारीहरू यो निर्वाचनमा पराजित हुन पुगे।
• -धनुषा-१ मा रास्वपाको उम्मेदवार कालोसूचीमा परेर उम्मेदवारी रद्द भएको थियो। त्यहाँ उसैले सबैभन्दा बढी मत पाएको थियो। भलै निर्वाचन आयोगले दोस्रो भएकालाई विजयी घोषणा गर्‍यो।
• -२०७४ मा १० र २०७९ मा १२ पार्टी संसद्‌मा पुग्दा यसपटक जम्मा ६ पार्टी संसद्‌मा पुगे।
• -३,४०६ उम्मेदवार रहेकोमा १४ उम्मेदवारले एक मत पनि पाएनन्। ३६ उम्मेदवारले भने एक मत ल्याए।
• -उनीहरूमध्ये करिब ८५ प्रतिशत अर्थात् २,८८५ जनाको जमानत जफत भयो। नियमानुसार कुल सदर मतको १० प्रतिशतभन्दा कम मत ल्याए जमानत जफत हुन्छ।
• -प्रत्यक्ष निर्वाचित १६५ जनामध्ये १४० जना नयाँ सांसद छन्। उनीहरू पहिलोपटक निर्वाचित भएकाहरू हुन्।
• -प्रतिनिधिसभामा विभिन्न दलबाट १० जना सांसदहरू मात्र यसअघि नै पटकपटक संसद्‌मा देखिएका अनुहार छन्।
• -२०७९ सालको प्रतिनिधिसभामा निर्वाचित भएका सांसदहरू यसपटक १६ जना छन्।
• -प्रत्यक्ष प्रणालीतर्फ १६५ निवर्तमान सांसदमध्ये ७० जना यो पटक प्रतिस्पर्धामा थिएनन्।
• -समानुपातिक निर्वाचानतर्फ ३७ जिल्लाबाट कुनै पनि सांसद चयन भएन । जबकी काठमाडौंबाट मात्रै १७ जना छानिए । त्यसमा पनि रास्वपाका १० जना छन् ।