मेस्सीले गोल्डेन बल पाउँदा ब्लाटर पनि आश्चर्यमा
३१ असार, काठमाडौं । फिफा अध्यक्ष सेप ब्लाटरले अर्जेन्टिनाका लिओनल मेस्सीले गोल्डेन बल पाएमा आफू पनि आश्चर्यमा परेको बताएका छन् ।
अर्जेन्टिना विश्वकपको फाइनलमा जर्मनीसँग पराजित भएपनि कप्तान मेस्सी प्रतियोगिताको उत्कृष्ट खेलाडी घोषित भएका थिए ।
ब्लाटरले भनेका छन्-जब मेस्सी प्रतियोगिताको उत्कृट खेलाडीको अवार्ड लिन आउँदै थिए, म अली आश्चर्यमा परेँ ।’ फिफाको टेक्निकल स्टडी ग्रुपले गोल्डेन बल र गोल्डेन ग्लोबको विजेता चयन गर्नेगर्छ ।
ब्लाटरले मेस्सीले समूह चरणमा गरेको प्रदर्शनका आधारमा गोल्डेन बल दिएको विश्वास व्यक्त गरे । उनले भनेका छन्-‘यदि तपाईले प्रतियोगिताको सुरुवातबाट हुर्नुभयो र किन अर्जेन्टिना फाइनलमा पुग्यो भनेर हेर्नु भयो भने, उनी निर्णायक थिए ।’
अर्जेन्टिना लेजेन्ड म्याराडोनाले भने मार्केटिङका लागि मात्र मेस्सीलाई गोल्डेन बल दिएको बताएका छन् ।
प्रतिक्रिया 4