२९ वर्षीय शक्तिशाली फरवार्ड जुलियन क्विनोनेस कोलम्बियामा जन्मिए पनि सन् २०२३ मा मेक्सिकोको नागरिकता लिएर राष्ट्रिय टोलीमा सामेल भएका हुन् । सन् २०२३ को नोभेम्बरमा डेब्यू गरेका क्विनोनेसको यो पहिलो विश्वकप हो । साउदी क्लब अल-कादिसियाबाट व्यावसायिक फुटबल खेल्ने क्विनोनेस शारीरिक रूपमा मेक्सिकन टोलीकै सबैभन्दा बलिया फरवार्ड हुन् । उनको गति, काँधको बल र डिफेन्डरलाई पछि पार्दै गोल गर्ने शैलीले टोलीको अग्रपंक्तिमा नयाँ आयाम थपेको छ ।