३० वर्षीय आक्रामक मिडफिल्डर पिनेडा मेक्सिकन टोलीका सबैभन्दा सिर्जनशील र 'एन्टरटेनिङ' खेलाडीमध्ये एक हुन् । सन् २०१६ मा डेब्यू गरेका पिनेडाको यो दोस्रो विश्वकप हो । ग्रीक क्लब एईके एथेन्सबाट खेल्ने पिनेडा विङ्गर र अट्याकिङ मिडफिल्ड दुवैमा जम्न सक्छन् । उनको ड्रिब्लिङ र डिफेन्डरलाई जिल्याउने कला उत्कृष्ट छ । गोल गरेपछि उनको परम्परागत 'एक्रोब्याटिक' डान्स सेलिब्रेशन मेक्सिकन समर्थकमाझ निकै चर्चित छ ।